اسلام آباد۔29اپریل(اے پی پی)صدر مملکت ڈاکٹر عارف علوی انتخابی عمل اچ شفافیت کیتے آئی ووٹنگ دے نظام بارے آکھیے جو وزارت سائنس و ٹیکنالوجی اتے ٻئے متعلقہ اداریاں کوں ہدایت کیتی اے جو جدید سیکورٹی خصوصیات آلیاں الیکٹرانک ووٹنگ مشین دی تیاری تیکھے کیتی ونڄے، انٹرنیٹ ووٹنگ سسٹم نال سمندر پار پاکستانیاں کوں سوکھ تھیسی اتے مجموعی انتخابی عمل اچ وی چنڳائی آسی۔ اے ڳالھ انہاں ایمرجنگ ٹیکنالوجیز برائے انٹرنیٹ ووٹنگ بارے ذیلی کمیٹی دے اجلاس دی صدارت کریندے آکھی جیندے اچ وفاقی وزیر آئی ٹی اینڈ ٹیلی کمیونیکیشن سید امین الحق، وزیر ریلوے سینیٹر محمد اعظم خان سواتی ، وفاقی وزیر سائنس و ٹیکنالوجی سینیٹر شبلی فراز ، سیکریٹری آئی ٹی شعیب احمد صدیقی، قائمقام چئیرمین نادرا خالد لطیف، ڈائریکٹر جنرل آئی ٹی الیکشن کمیشن آف پاکستان خضر عزیز اتے ٻئے حکام شرکت کیتی۔ صدر مملکت آکھیا جو انتخابی عمل دی ساکھ کیتے انتخابی سامان دی سیکورٹی اتے ٻعے عوامل فول پروف اتے شفاف ہووݨے چاہیدن۔ اجلاس اچ وفاقی وزیر ِسائنس و ٹیکنالوجی ،سینیٹر شبلی فراز الیکٹرانک ووٹنگ مشین دی تیاری کیتے اقدامات تے بریفنگ ݙتی۔
انٹرنیٹ ووٹنگ سسٹم نال سمندر پار پاکستانیاں کوں سوکھ ملسی، صدر مملکت عارف علوی دا انٹرنیٹ ووٹنگ دی ذیلی کمیٹی نال خطاب
مضمون کا ماخذ : کمپیوٹر لاٹری کا جیک پاٹ
متعلقہ مضامین
