اسلام آباد۔5اپریل (اے پی پی):وزیر خارجہ مخدوم شاہ محمود قریشی وزیراعلیٰ پنجاب سردار عثمان بزدار نال سنوار کوں وزیراعلیٰ آفس اچ ملاقات کیتی ۔ڳالھ مہاڑ اچ جنوبی پنجاب سیکرٹریٹ،ترقیاتی منصوبیں تے ٻئے امور تے ڳال مہاڑ کیتی ڳئی ۔وزیراعلیٰ پنجاب وزیر خارجہ کوں جنوبی پنجاب سیکرٹریٹ متعلق ݙسایا تے آکھیا جو جنوبی پنجاب پاکستان تحریک انصا ف دے دور حکومت اچ ریکارڈ ترقی کریسی ۔عثمان بزدارآکھیے جو سکولاں دی اپ گریڈیشن اچ جنوبی پنجاب کوں 38فیصد حصہ ݙتا ڳئے ۔عثمان بزدارجنوبی پنجاب سیکرٹریٹ ختم کرݨ دا پروپیگنڈا شکست خوردہ عناصر کھنڈیندے پئن ۔پاکستان تحریک انصاف کوں جنوبی پنجاب اچ عوام فیصلہ کن برتری نال نوازیے۔وزیر اعلی آکھیے وج پی ٹی آئی جنوبی پنجاب سودھے سارے پسماندہ علاقیں دیاں محرومیاں دا ازالہ کریسی ۔جنوبی پنجاب کوں صوبہ بݨاوݨ دا اعزاز وی پاکستان تحریک انصاف کوں ہی حاصل تھیسی ۔جنوبی پنجاب دے سیکرٹریز کوں بااختیار کریندے پیوں تاں جو عوام کوں لاہور نہ آوݨا پووے ۔عثمان بزدار آکھیے جو باقاعدگی نال ہر مہینے ملتان ونڄ تے ترقیاتی منصوبیں تے ٻئے امور دا جائزہ گھنساں ۔کابینہ اجلاس وی ملتان اچ تھیسی ،صوبائی وزراء وی ہک ہک ݙینھ جنوبی پنجاب اچ بہسن ۔جنوبی پنجاب دیاں70سالہ محرومیاں دا ازالہ کرݨ چاہندوں ۔عثمان بزدار آکھیے جو جنوبی پنجاب دے نینگراں کیتے ملازمتاں دا کوٹہ مخصوص کرݨ کیتے قانون سازی کیتی ویندی پئی اے ۔وزیر خارجہ آکھیے جو جنوبی پنجاب سیکرٹریٹ دے معاملے تے وزیراعلیٰ پنجاب دا فوری ایکشن قابل تحسین اے۔
