لاہور۔22مارچ (اے پی پی) معاون خصوصی وزیر اعلی پنجاب ڈاکٹر فردوس عاشق اعوان آکھیا جو کورونا دی تریجھی لہر خطرناک اے، پنجاب اچ دسمبر تئیں 74 لکھ ویکسین لاوݨ دا ہدف رکھیا ڳئے، ترائے لکھ 94 ہزار لوکاں خود کوں رجسٹرڈ کوائے جنہاں اچوں 95 ہزار 211 لوکاں کوں کرونا ویکیسن لاتی ڳئی اے۔انہاں آکھیا جو جعلی راجکماری ایں ویلھے پھولن دیوی دا روپ وٹاوݨ چاہندی اے ،گزریل ݙینھ نانی اماں یوتھ کنونشن اچ نینگراں کوں گمراہ کرݨ اتے ورغلاوݨ دے نال آئینی ادارے تے حملہ کرݨ دی ترغیب ڈیندی پئی ہئی، مریم فلمی سٹائل اچ پیش تھیوݨ چاہندن، اگر او فلماں توں متاثر ہن تاں او ایں شعبے اچ توجہ ڈیون کیونجو سیاست انہاں دے وس دی ڳالھ نی۔ مریم نواز سمجھن جو قانون توں ودھ طاقتور کوئی چیز کائنی۔ او سنوار کوں ڈی جی پی آر اچ پریس کانفرنس نال خطاب کریندی پئی ہن۔ انہاں آکھیا جو وزیراعلیٰ پنجاب دی صدارت اچ ہیلتھ انشورنس حکمت عملی دا جائزہ ڳھدا ڳئے۔
