اسلام آباد۔22ستمبر(اے پی پی)وزیراعظم عمران خان آکھیے جو ملکی معاشی ترقی اچ سڑکاں دا وݙا کردار اے، معیاری سڑکاں ٻݨݨ نال روزگار دے مواقع ودھسن اتے سفری سہولتاں ملسن۔ او نیشنل ہائی وے اتھارٹی (این ایچ اے) دے منصوبیاں تے پیش رفت دے جائزہ اجلاس دی اڳواݨی کریندے پئے ہن۔ اجلاس اچ راولپنڈی تا کھاریاں، میانوالی تا مظفرگڑھ اتے حیدرآباد تا سکھر شاہرواں تے کم بارے ݙسایا ڳیا۔ وفاقی وزیر مواصلات مراد سعید ݙسایا جو پچھلی حکومت 3 سالاں اچ 645 کلومیٹر سڑکاں ٻݨائن اتے اڄوکی حکومت 3 سال اچ 1753 کلومیٹر سڑکاں ٻݨائن ڄݙاں جو ٻیاں 6118 کلومیٹر سڑکاں ٻݨایاں ویسن، ایں مالی سال نیشنل ہائی وے اتھارٹی 27 منصوبے مکمل کریسی۔ وزیراعظم آکھیا جو مواصلات دے اہم اتے وݙے منصوبیاں تے روزانہ دی بنیاد تے اڳونہی دا آپ جائزہ ڳھنساں، ایں سانڳے فنڈز دا اجرا یقینی ٻݨایا ونڄے۔
مضمون کا ماخذ : نتیجہ ڈوپلا سینا
