اسلام آباد،نیویارک ۔22ستمبر (اے پی پی):وزیر خارجہ مخدوم شاہ محمود قریشی آکھیے جو افغاناں دے منجمد اثاثیں کوں کھولݨ نال افغانستان کوں انسانی بحران توں کڈھݨ اچ مدد ملسی۔، ذمے واری دا طرز عمل طالبان دے اپݨے مفاد وچ ہے ،ہندوستان پاکستان اچ عدم استحکام چاہندے ، ایں اساݙے خلاف افغان سرزمین کوں استعمال کیتا۔دفتر خارجہ موجب وزیر خارجہ ٻدھ کوں نیویارک اچ جاری اقوام متحدہ جنرل اسمبلی دے 76ویں اجلاس دے موقع تے فارن پریس ایسوسی ایشن دے نال ورچوئل ملاقات کریندے پئے ہن ۔ انہاں آکھیے جو افغانستان دی صورتحال بدلدی پئی اے عالمی برادری دی طالبان توں کجھ توقعات ہن جݙاں جو کجھ حلقیں دا خیال اے جو طالبان دی موجودہ قیادت اجتماعیت دی حامل کائنی ،لیکن میݙی اطلاع دے مطابق ہݨ افغانستان اچ طالبان قیادت، وسعت پذیر تھیندی پئی اے ایندے اچ افغانستان دیاں ٻیاں قوماں کوں رلایا ویندا پئے ، امریکی قیادت دے مطابق افغانستان اچ انہاں دے مشن دی تکمیل تھی چکی اے ،اہداف دے حصول دے بعد افغانستان توں غیرملکی افواج دا انخلا درست فیصلہ ہئی۔ شاہ محمود قریشی آکھیے جو ہندوستان پاکستان اچ عدم استحکام چاہندے ۔ ہندوستان ساݙے خلاف افغان سرزمین کوں استعمال کیتے جیں دے ناقابل تردید ثبوت اساں دنیا دے سامݨِے رکھیے۔انسانی حقوق دی پاسداری کوں امتیازی نی ہووݨا چاہیدا اساں خطے وچ امن و استحکام دے خواہشمند ہیسے۔
افغاناں دے منجمد اثاثیں کوں کھولݨ نال افغانستان کوں انسانی بحران توں کڈھݨ اچ مدد ملسی ، وزیر خارجہ مخدوم شاہ محمود قریشی
مضمون کا ماخذ : سشی ایکسپریس
متعلقہ مضامین
