وزیراعظم عمران خان آندیاں نسلاں کیتے موسمیاتی تبدیلی دے اثرات نال نبݨݨ دے اقدامات، پاݨی دے ذخائر اتے سستی پن بجلی بݨاوݨ دے منصوبیں تے کاربند ہن، وزیر مملکت اطلاعات و نشریات فرخ حبیب


اسلام آباد۔12اگست (اے پی پی):وزیر مملکت اطلاعات و نشریات فرخ حبیب آکھیے جو وزیراعظم عمران خان ایں ویلھے پاکستان اچ واحدلیڈر ہن جیڑھے جو آندیاں نسلاں کیتے موسمیاتی تبدیلی دے اثرات نال نبݨݨ دے اقدامات، پاݨی دے ذخائر اتے سستی پن بجلی بݨاوݨ دے منصوبیں تے کاربند ہن، تاریخ گواہ اے 1967 دے بعد پاکستان اچ وݙا ڈیم نی بݨ سڳیا ، تربیلا دے پنجویں توسیعی منصوبہ807ملین ڈالر دی لاگت نال 2024اچ مکمل تھیسی ، ایں منصوبے نال تربیلا توں بجلی پیدا کرݨ دی صلاحیت 4 ہزار 888 میگاواٹ توں ودھ تے 6ہزار 418 میگاواٹ تھی ویسی ، خمیس کوں آپݨے بیان اچ وزیر مملکت فرخ حبیب آکھیے جو ماضی اچ آبی ذخائر تے ایں طرح کم نی تھیا ، وزیراعظم عمران خان، ملک اچ آبی ذخائر دے منصوبیں اچ گھاٹی دلچسپی گھندے پئن ، انہاں آکھیے جو دیامر بھاشا ڈیم،دہاسو ہائیڈور پاور،مہمند ڈیم ، ہرپور پاور پراجیکٹ،کچی کینال،سندھ بیراج ،کے فور واٹر سپلائی پراجیکٹ،کرم تنگی ڈیم ،سندھ بیراج اتے نویں گنج ڈیم پراجیکٹ کم جاری اے ، آبی ذخائر دے ایں10منصوبے مکمل تھیوݨ توں ملک اچ ھک کروڑ 28لکھ 90ایکٹر فٹ پاݨی ذخیرہ تھیسی ۔