بحرین دے نال اقتصادی و تجارتی رابطے ودھاوݨ چاہندوں،وزیر خارجہ

FOREIGN MINISTER MAKHDOOM SHAH MAHMOOD QURESHI CALLED ON HIS ROYAL HIGHNESS PRINCE SALMAN BIN HAMAD BIN ISA AL KHALIFA, CROWN PRINCE, DEPUTY SUPREME COMMANDER AND PRIME MINISTER OF THE KINGDOM OF BAHRAIN, IN MANAMA, ON JULY 29, 2021.

اسلام آباد۔29جولائی (اے پی پی):وزیر خارجہ مخدوم شاہ محمود قریشی خمیس کوں منامہ اچ بحرین دے ولی عہد، نائب سپریم کمانڈر اتے وزیر اعظم شہزادہ سلمان بن حمد بن عیسیٰ الخلیفہ نال ملاقات کیتی۔دفتر خارجہ موجب ڳال مہاڑ اچ ݙو پاسے تعلقات اتے علاقائی صورتحال سودھے سانجھی دلچسپی دے امور تے ڳال مہاڑ کیتی ڳئی ۔وزیر خارجہ ولی عہد شہزادہ سلمان بن حمد الخلیفہ کوں بحرین دے وزارت عظمیٰ دا منصب سنبھالݨ تے وزیر اعظم عمران خان ولوں مبارخ ݙتی تے نیک تمنا دا اظہار کیتے ۔وزیر خارجہ آکھیے جو 2019 اچ وزیر اعظم عمران خان دے دورہ ء بحرین توں ݙوہیں ملکاں وچال ݙو پاسے بھرپی آلے تعلقات کوں ودھارا تھئے ، پاکستان، وزیر اعظم عمران خان دے وژن دی روشنی اچ اقتصادی ترقی دے ایجنڈے تے عمل کریندا پئے ۔شاہ محمود قریشی آکھیے جو سلطنتِ بحرین دے نال اقتصادی و تجارتی رابطے ودھاوݨ چاہندوں ۔ملاقات اچ بحرین اچ رہݨ آلی پاکستانی کمیونٹی دی فلاح و بہبود متعلق امور تے وی بحث تھئی اے ۔ولی عہد شہزادہ سلمان بن حمد بن عیسی الخلیفہ بحرین دی تعمیر و ترقی اچ ، اتھاں رہݨ آلی پاکستانی کمیونٹی دے تعمیری کردار دی تعریف کیتی ۔انہاں بحرین دی دفاعی و سیکورٹی استعداد دی ترقی اچ پاکستان دی معاونت دی وی تعریف کیتی ۔وزیر خارجہ بحرین دے وزیر اعظم، ولی عہد، شہزادہ سلمان بن حمد بن عیسی الخلیفہ کوں وزیر اعظم عمران خان دی طرفوں دورہ ء پاکستان دی دعوت ݙتی ۔وزیر اعظم بحرین، وزیراعظم عمران خان دی دعوت دا شکریہ ادا کریندے ہوئیں پاکستانی قیادت اتے عوام دی ترقی اتے خوشحالی کیتے نیک تمنا دا اظہار کیتے جݙاں جو بحرین دے وزیر اعظم، ولی عہد شہزادہ سلمان بن حمد الخلیفہ وزیر اعظم عمران خان اتے پاکستانی عوام کیتے نیک خواہشات دا اظہار کیتے۔

مضمون کا ماخذ : عمومی کلیدی الفاظ