لاہور۔9جولائی(اے پی پی)وزیراعلی پنجاب سردار عثمان بزدار آکھیے جو پی ڈی ایم دی ونݙ ویتر تھی ڳئی اے، حکومت ݙھواوݨ کیتے ٻݨݨ آلا اتحاد آپݨے ہی ٻھار نال مُک ݙٹھے، حکومت اڄ وی پہلے آلی کار تکڑی اے ڄݙاں جو پی ݙی ایم دیاں جماعتاں ہک ٻئے دے گریبان کوں ہتھ ڳھتی کھڑن، کڄھ مہینے دا اے اتحاد پاکستان دی تاریخ دا ناکام ترین اتحاد ثابت تھئے۔ وزیر اعلیٰ آکھیے جو قوم کوں وزیر اعظم عمران خان دی جرات مند قیادت تے پورا اعتماد اے، تحریک انصاف دی حکومت چوراں لٹیراں دا راستہ ہمیشہ کیتے ݙک ݙتے، پہلیو اری تاریخ اچ وزیر اعظم عمران خان مافیا تے ہتھ پا تے بااثرشخصیات کوں وی قانون دے کٹہرے اچ آن کھڑا کیتے۔
مضمون کا ماخذ : لاٹری کے انعامات
