اسلام آباد۔9اپریل (اے پی پی):بزرگ صحافی اتے قومی خبر رساں ادارہ ایسوسی ایٹڈ پریس آف پاکستان(اے پی پی)دے سابق چیف نیوز ایڈیٹر عثمان حمید خان 73 سال دی عمر اچ جمعے کوں انتقال کر ڳئن جنہاں کوں بعد نماز عصر مغلیہ گارڈن واہ دے نیڑے قبرستان اچ دفنا ݙتا ڳئے ۔مرحوم دی نماز جنازہ اچ رشتے داراں تے دوست احباب دے شرکت کیتی ۔ عثمان حمید خان یکم اپریل 1948 کوں راولپنڈی دے نیڑے وستی واہ اچ ڄمیے ۔ انہاں 1968 اچ پنجاب یونیورسٹی توں انگریزی اچ ماسٹر ڈگری حاصل کیتی تے انگریزی روزنامہ نیوز ٹائم راولپنڈی اتے خبر رساں ادارہ پی پی آئی توں اپݨے صحافتی کیریئر ڈا آغاز کیتا۔ اویکم فروری 1977 کوں اے پی پی نال منسلک تھی ڳئے۔ انہاں قومی خبر رساں ادارہ اچ اپݨے شاندار صحافتی کیریئر دے دوران اہم نوعیت دی رپورٹنگ اتے ڈیسک تے بطور چیف نیوز ایڈیٹر دے فرائض انجام ݙیوݨ دے علاوہ مختلف صدور اتے وزراء اعظم سودھے وی وی آئی پی کوریج دیاں ذمے واریاں وی احسن انداز اچ نبھائیاں جنہاں کوں قومی اخبارات دیاں شہ سرخیاں اچ نمایاں جاہ ملی ۔ انہاں کیریئر دے دوران ڈپلومیٹک کارسپانڈنٹ دے طور تے وی فرائض انجام ݙتے ۔ انہاں دی شاندار صحافتی خدمات تے انٹرنیشنل آرگنائزیشن آف جرنلسٹس دے زیر اہتمام بین الاقوامی صحافتی مقابلہ اچ ایوارڈ نال وی نوازا ڳیا۔ اپݨی پیشہ وارانہ مہارت ، منسکرالمزاجی ، شفقت آمیز رویہ دی بنا تے نہ صرف اے پی پی بلکہ صحافتی برادری اچ قابل احترام حیثیت رکھیندے ہن او31 مارچ 2008 کوں قومی خبر رساں ادارے توں ریٹائر تھئے ۔اے پی پی انتظامیہ، صحافتی و غیر صحافتی کارکنان اتے صحافتی تنظیماں انہاں دے انتقال تے ݙکھ تے افسوس دا اظہار کیتے اتے دعا کیتی اے جو اللہ تعالیٰ مرحوم کوں جوار رحمت اچ جاہ ݙیوے تے پسماندگان کوں صبر ݙیوے۔
