کراچی۔7نومبر (اے پی پی):وفاقی وزیر ریلوے شیخ رشید احمد آکھیے جو بلاول ذمہ دارنہ سوچ دا عندیہ ݙتے جو پی ڈی ایم اچ فوج کوں نشانہ بݨاوݨ دا کوئی فیصلہ کائنی تھیا ،30 دسمبر سے 20 فروری تئیں پیپلزپارٹی ، ن لیگ دے رلے نہ چلسی۔ ، پیپلزپارٹی استعفی کائناں ݙیسی ،نوازشریف اتے مریم نواز بند ڳلی وانگوں سیاست کوں گھن تے ویندے پن ، کوئی سیاستدان ڈائیلاگ دا رستہ بند نی کریندا، وزیراعظم عمران خان برملا آکھیے جو نیب کیسز اتے این آر او دے علاوہ ساریاں چیزاں تے ڳال تے مشورے کیتے تیار آں ، اگر سیاستدان آپت اچ رل ٻہہ تے فیصلہ کریندن تاں ایندے بہتر نتیجے آندن ، ملک اچ مارشل لاء نی لڳ سڳدا ، دنیا اچ مارشل لاء دے حالات کائنی ، ایہا جمہوریت چلسی تے وزیراعظم عمران خان پنج سال پورے کریسن ۔ اے ڳال انہاں ہفتے کوں کیمپ آفس اچ پریس کانفرنس توں خطاب کریندے ہوئیں آکھی اے۔ وفاقی وزیر آکھیا جو ساریاں سیاسی جماعتاں گلگت بلتستان دے انتخابی مہم اچ بھرپور حصہ گھندیاں پن ، 16نومبر توں گلگت بلتستان توں نویاں ڳالھیں ملݨ شروع تھی ویسن ، ہݨ ݙیکھدوں جو گلگت بلتستان اچ انتخابات ہرݨ آلے آپ دی ہار منیندن کا کائناں۔
بلاول ذمہ دارنہ سوچ دا عندیہ ݙتے جو پی ڈی ایم اچ فوج کوں نشانہ بݨاوݨ دا کوئی فیصلہ کائنی تھیا ،پیپلزپارٹی ، ن لیگ دے رلے نہ چلسی، شیخ رشید احمد دا پریس کانفرنس توں خطاب
مضمون کا ماخذ : میان میجک وائلڈ فائر
متعلقہ مضامین
