اسلام آباد۔9مارچ (اے پی پی) وفاقی وزیر اطلاعات تے نشریات سینیٹر شبلی فراز آکھیا جو بلاول بھٹو اتے مریم نواز ݙوہیں رل تے جمہویرت توں بہترین انتقام ڳھندے پئن، پیسے نال لوکاں دے ضمیر گھنݨ دی کوشش کریندن اتے ولا جمہوریت دے پچھوں لُک ویندن۔ منگل کوں آپݨے ٹویٹ اچ انہاں آکھیا جو پارٹیاں تے قابض تھیوݨ آلے اتنے اہل اتے لائق ہوندے تاں کارکن دے طور تے پارٹی اچ امدے۔ موروثی سیاست کرݨ آلے آپݨے بالاں کوں قوم تے مسلط کرݨ چاہندن۔ انہاں آکھیا جو عوام انہاں دے نویں دھوکے اچ کائنا امسی، اے چاہندن جو لٹ مار دا اے کاروبار اینویں تھیندا رہوے۔ قوم فیصلہ کرݨے جو کرپشن دی ایں فرنچائز دا خاتمہ کرݨے یا انہاں کوں لٹݨ دا لائسنس ݙیوݨے۔ انہاں آکھیا جو محمد نواز شریف اگر ووٹ دی عزت تے یقین رکھیندے تاں پاکستان اچ ہوندے، انہاں آکھیا جو وزیراعظم عمران خان قوم کوں لٹݨ اتے موروثی سیاست کرݨ آلیاں دے رستے اچ ساریاں توں وݙی کندھی بݨ ڳئن۔
بلاول بھٹو اتے مریم نواز ݙوہیں رل تے جمہوریت توں بہترین انتقام ڳھندے پئن، وفاقی وزیر اطلاعات تے نشریات سینیٹر شبلی فراز
مضمون کا ماخذ : melhores loterias do Brasil
متعلقہ مضامین
