اسلام آباد۔ 14جولائی (اے پی پی) اسپیکر قومی اسمبلی اسد قیصرنال چیئرمین ایف بی آر جاوید غنی ملین اتے انہاں کوں ایف بی آر دی کارکردگی دا جائزہ پیش کیتا۔ایں موقع تے اسپیکر قومی اسمبلی آکھیا جو ٹیکس کلیکشن دے اہداف پورے کرنڑ کیتے اقدامات چاتے ونجن ،جیکر ایف بی آر دی کارکردگی چنگی ہوسی تاں ملکی معیشت وی تکڑی تھیسی،ٹیکس نظام کوں عوام دوست بنڑایا ونجے،ایف بی آراچ اصلاحات نال کارکردگی چنگی کیتی ونج سگدی اے۔چیئرمین ایف بی آرآکھیا جو وزیراعظم عمران خان دی ہدایت تے اصلاحات تے کم تھیندا پئے،ٹیکس وصولی دا نظام سوکھا کیتا ویندا پئے اتے ایف بی آر نظام تیکھے ڈیجیٹل کر دتا ویسی۔اسپیکر قومی اسمبلی چیئرمین ایف بی آر کوں افغان بارڈز تے مسلے تیکھے حل کرنڑ دی ہدایت کریندے آکھیا جو اساں اپنڑے ایکسپورٹرز کوں ودھ سوکھ ڈیونڑے،ایندے نال ملکی معیشت ترقی کریسی۔
مضمون کا ماخذ : میگا ملینز
