اسلام آباد۔29جنوری (اے پی پی)وزیراعظم دے معاون خصوصی برائے صحت ڈاکٹر ظفر مرزا چین دے شہر ووہان اچ موجود 4 پاکستانی طلبہ دے کورونا وائرس نال متاثرتھیونڑ دی تصدیق کیتی اے۔اسلام آباد اچ میڈیا کوں بریفنگ ڈیندے ہوئے انہاں ڈسائے جو چین اچ 28توں 30 ہزار پاکستانی مقیم راہندن جیندے اچوں وڈی تعداد طلبہ دی ۔اے طلبہ چین دے مختلف صوبیاں دی یونیورسٹیاں اچ زیر تعلیم ہین۔انہاں آکھیا جو وزیراعظم پاکستان طلبہ اتے اہلِ خانہ اتے سارے پاکستانی شہریاں کوں یقین دہانی کروائی اے جو انہاں دے تحفظ اتے علاج معالجے کیتے حکومت پاکستان پوری ذمہ داری نبیسی اتے انہاں طلبہ دا اپنڑے بالاں آلی کارخیال رکھیا ویسی۔وفاقی وزیر ڈسائے جو اے معاملہ وفاقی کابینہ اچ وی سامنڑے چاتا گئے اتے ایں سانگے پاکستانی حکومت، چین اچ پاکستانی سفارتخانے نال مسلسل رابطے اچ اے،سفارتخانے دا عملہ اتے پاکستانی سفیر پاکستانی کمیونٹی بارے ضروری اقدامات کریندے پین اتے متاثرہ طلبہ نال وی رابطہ اے جنہاں دی چنگی ڈیکھ بھلا کیتی ویندی پئی اے اتے انہاں دی صحت چنگی تھیندی پئی ،دعا اے جو تیکھے صحت یاب تھی ونجن۔انہاں متاثرہ طلبہ دی سنجانڑجانڑ بجھ تے نہ ڈسیندے ہوئے آکھیے جو میڈیا وی انہاں دی پھلپوٹ نہ کر تے ذمہ داری دا مظاہرہ کرے کیوں جو ایندے نال متاثرہ طلبہ اتے انہاں دے ٹبر کوں اوکھ دا سامنڑا کرنڑا پو سگدے۔
وزارت صحت دی چین اچ موجود 4 پاکستانی طلبہ اچ کورونا وائرس دی تصدیق پاکستان چین نال مسلسل رابطے اچ اے،حکومت چین اچ راہنڑ آلے پاکستانی ظلبہ دا اپنڑے بالاں آلی کار خیال رکھیندی پئی اے،وزیراعظم دے معاون خصوصی برائے صحت ڈاکٹر ظفر مرزادی میڈیا بریفنگ
مضمون کا ماخذ : سشی ایکسپریس
متعلقہ مضامین
