اسلام آباد۔7نومبر (اے پی پی) دفتر خارجہ دی ترجمان ممتاز زہرا بلوچ آکھیا جو کشمیری آزادی پسند رہنما اتے جموں وکشمیر لبریشن فرنٹ دے چیئرمین محمد یاسین ملک نویں دلی دے بدنام زمانہ تہاڑ جیل اچ بکھ ہڑتال اتے وڳڑدی صحت تے تشویش کریندیں ہوئیں آکھیا جو بھارت انہاں کوں کوڑے مقدمیاں اچ ݙھکیا ہوئے۔ ممتاز زہرا بلوچ آج آپݨی ہفتہ وار پریس بریفنگ اچ آکھیا جو پاکستان کوں محمد یاسین ملک دی ݙہندی صحت تے تشویش اے۔ انہاں کوں فوری طور طبی سہولتاں ݙتی ونڄن۔ انہاں آکھیا جو پاکستان یاسین ملک دی فوری رہائی دا وی مطالبہ کریندے۔ ترجمان آکھیا جو پاکستان غزہ اچ فوری فائربندی دا مطالبہ کیتے۔ غزہ اچ اسرائیلی جارحیت دی شد??د مذمت کریندوں۔ پاکستان مسئلہ فلسطین دے ݙوریاستی حل دا حامی اے?? غزہ اچ نسل کشی کوں فوری بند کرݨ کیتے اقوام عالم آپݨا کردار ادا کرے۔ غزہ اچ اسرائیل ولوں نسل کشی دی جنگی جرائم دے تحت تحقیقات تھیوݨی چاہیدی اے۔ انہاں آکھیا جو اساں اقوام متحدہ دی غزہ دی صورتحال بارے رپورٹ دا خیر مقدم کریندوں۔ اسرائیلی حملیاں نال فوری طبی ام??اد دے منتظر فلسطینیاں کوں ام??اد ڳھنݨ اچ اوکھ تھیندی پئی اے۔ ممتاز زہرا بلوچ ہک سوال دے ولدے اچ آکھیا جو صدر اتے وزیراعظم پاکستان نومنتخب امریکی صدر ڈونلڈ ٹرمپ کوں مبارخ ݙتی اے۔ پاکستان دے امریکا نال پراݨے تعلقات ہن۔ پاکستان اتے امریکا پراݨے دوست اتے سانجھے دار ہن۔ اساں ہک ݙوجھے نال اندورنی معاملیاں اچ عدم مداخلت دی تعلقات چاہندوں۔ یاد رہے جو محمد یاسین طبی سہولتاں نہ ملݨ تے تہاڑ جیل اچ گزریل ست ݙینھ ??وں بکھ ہڑتال تے ہن۔
صدر اتے وزیراعظم پاکستان نومنتخب امریکی صدر ڈونلڈ ٹرمپ کوں مبارخ ݙتی اے، ترجمان دفتر خارجہ ممتاز زہرا بلوچ
مضمون کا ماخذ : لاٹری کے اعدادوشمار
متعلقہ مضامین
