اسلام آباد ۔ 15 مئی (اے پی پی) وفاقی وزیر تعلیم و پیشہ ورانہ تربیت شفقت محمود آکھیے جوملک اچ آن لائن تعلیم دے ودھارے کیتے پرے دے علاقیں اچ انٹرنیٹ کنکٹیویٹی کوں بہتر بنڑاونر کیتے ہک جامع منصوبہ بنڑائے۔ طلباءدی صحت دے نال پورے ملک اچ تعلیمی عمل کوں جاری رکھنڑ اساڈی ترجیح اے ۔جمعے کوں وزیراعظم ہاﺅس اچ وفاقی وزیر شفقت محمود آکھیے جو وزیراعظم عمران خان دی ہدایت تے وزرات تعلیم طلباءدی صحت کوں یقینی بنڑاونر تے تعلیمی عمل کوں جاری رکھنڑ کیتے مختلف اقدامات کریندی پئی اے۔اساڈی کوشش اے جو پورے ملک اچ یکسانیت ہووے ۔ ایں کیتے سارے فیصلے بین الصوبائی وزراءکانفرنس اچ سانجھی مشورے نال کیتے ویسن ، 15 جولائی تئیں تعلیمی ادارے بند رہسن، نویں توں بارہویں جماعت تئیں دے طلباءکوں بغیر امتحان دے اگلی جماعت اچ پروموٹ کرڈتا گئے ، ملک دے 29 تعلیمی بورڈ کجھ کیٹیگریز اچ خصوصی امتحانات ستمبرتوں نومبر دے درمیان گھنسن ایندے اچ وی حالات دا جائزہ گھن تے انہاں کوں اجازت ڈتی ویسی ، لاک ڈاﺅن دے شروع توں ہی ٹیلی سکول شروع کر ڈتا ہئی جیرھا جو اپنری 10 گھنٹے دی نشریات اچ طلباءکوں 12 جماعت تئیں مختلف مضامین دی تعلیم ڈیندے۔
ملک اچ آن لائن تعلیم دے ودھارے کیتے پرے دے علاقیں اچ انٹرنیٹ کنکٹیویٹی کوں بہتر بنڑاونر کیتے ہک جامع منصوبہ بنڑائے،وفاقی وزیر تعلیم شفقت محمود
مضمون کا ماخذ : را کی کتاب
متعلقہ مضامین
