اسلام آباد۔5اپریل (اے پی پی):وفاقی وزیر داخلہ شیخ رشید احمد آکھیے جو پاکستان تحریک انصاف دی حکومت اپݨی آئینی مدت پوری کریسی۔پاکستان ڈیموکریٹک موومنٹ (پی ڈی ایم) دے کھوکھلے دعویں توں حکومت کوں کوئی خطرہ کائنی ۔سنوار کوں نجی ٹی وی چینل نال ڳال مہاڑ کریندے ہوئیں انہاں آکھیے جو پی ڈی ایم ولوں کیتے ونڄݨ آلے سارے اعلانات کوڑے ثابت تھئن تے اڳوں وی انہاں دی قسمت اچ رسوائی دے سوا کجھ کائنی، پی ٹی آئی دی قیادت عوام دے رلے کھڑی اے تے کھڑی رہسی۔ انہاں مزید آکھیا جو پی ڈی ایم جماعتاں ہݨ حکومت دے خلاف کہیں وی قسم دی کوئی تحریک چلاوݨ دے قابل نی رہی ،عوام انہاں کوں مسترد کرݙتے ،ھک سوال دے ولدے اچ انہاں آکھیے جو وزیراعظم عمران خان مہانگ دے خلاف سنجیدہ اقدامات کریندے پئن۔
مضمون کا ماخذ : لوٹومینیا
