اسلام آباد۔25مارچ (اے پی پی) بین الاقوامی مالیاتی فنڈ (آئی ایم ایف) دے انتظامی بورڈ پاکستان کیتے 50کروڑ ڈالردی اگلی قسط فوری طورجاری کرݨ دی منظوری ݙے ݙتی اے۔ اتے آکھیا جو وبا نال بݨݨ آلے چیلنجز اتے مشکلات اتے توسیعی فنڈز سہولت بارے پاکستان دی حکومت دے عزم نال معیشت کوں سہارا ݙیوݨ، قرضیاں دی پائیداریت کوں یقینی بݨاوݨ اتے ڈھانچہ جاتی اصلاحات وچال توازن بݨاوݨ اچ مدد ملی اے۔ آئی ایم ایف اقتصادی اصلاحات اتے توسیعی فنڈ سہولت بارے پاکستان دے اقدامات تے اطمینان کیتا۔ بین الاقوامی مالیاتی فنڈ ولوں جاری تھیوݨ آلےبیان اچ آکھیا ڳیا جو انتظامی بورڈ اے اجلاس اچ پاکستان سانڳے توسیعی فنڈسہولت (ای ایف ایف) دے تحت ݙوجھی توں ڳھن کراہیں پنجویں جائزہ کوں پورا کر ڳھدا ڳئے۔ بورڈ پاکستان کوں بجٹ معاونت سانڳے تقریباً ݙو ارب ڈالر اچوں فوری طور پنڄاہ کروڑ ڈالر دی اگلی قسط جاری کرݨ دی منظوری ڈتی اے۔ بین الاقوامی مالیاتی فنڈ دے بیان اچ آکھیا ڳیا جو اڄوکی بہتری دے باوجود ڈھانچہ جاتی رکاوٹاں دے خاتمے سانڳے ٻئی کوششاں دی لوڑھ اے۔ ایں نال اقتصادی پیداوار ودھسی۔ شفافیت ودھسی جڈانجو نجی سرمایہ کاری وی ودھسی اتے ایں بارے پاکستان دی حکومت کوں سرکاری کاروباری اداریاں اچ گورننس، شفافیت اتےفعالیت اچ بہتری، تجارت تے کاروبارسانڳے بہتر ماحول اتے ملازمتاں دے مواقع ودھسن۔
آئی ایم ایف دے انتظامی بورڈ پاکستان کیتے 50کروڑ ڈالردی اگلی قسط فوری طورجاری کرݨ دی منظوری ݙے ݙتی اے
مضمون کا ماخذ : لاٹری ایپلی کیشنز کے فوائد
متعلقہ مضامین
