اسلام آباد۔11فروری (اے پی پی):وزیر خارجہ مخدوم شاہ محمود قریشی آکھیے جو اساں مذاکرات دے ذریعے مسئلہ کشمیر دا حل چاہندوں ، مسئلہ کشمیر بھارت دا اندرلا معاملہ کائنی ،مسلہ کشمیر سلامتی کونسل دے ایجنڈے تے موجود اے ۔ او خمیس کوں وزارتِ خارجہ اچ کشمیریاں دے نال اظہار یکجہتی کیتے کشمیر ثقافتی ورثہ اتے تصویری نمائش دی تقریب توں خطاب کریندے پئے ہن ۔تقریب توں وزیر خارجہ شاہ محمود قریشی ،صدر آزاد کشمیر سردار مسعود احمد خان اتے وفاقی وزیر اطلاعات و نشریات سینیٹر شبلی فرازوی خطاب کیتا ۔مقررین بھارت ولوں مقبوضہ کشمیر اچ کیتے ونڄݨ آلے یکطرفہ غیر قانونی اقدامات دے بعد گزریل اٹھاراں مہینے توں جاری بدترین محاصرے، کشمیری نینگراں دیاں جبری گمشدیاں، ماورائے عدالت قتل سودھے ڈاٹھے ونڄݨ آلے ظلم تے تفصیلی ڳالھ کیتی ۔تقریب اچ کشمیریاں دے نال اظہار یکجہتی کیتے کشمیری زبان اچ ترانے اتے ڳاوݨ سݨوائے ڳئے ۔سیکرٹری خارجہ سہیل محمود اتے وزارتِ خارجہ دے سینئر افسر وی تقریب اچ شریک ہن
