اسلام آباد۔6اکتوبر(اے پی پی)وفاقی وزیر اطلاعات و نشریات چوہدری فواد حسین آکھیے جو نواں چیئر مین لاوݨ کیتے وزیر اعظم بالکل وی شہبازشریف نال نہ الیسن، جیکر معاملے تے مشاورت کرݨی اے تاں اپوزیشن اپݨا کوئی ٻیا لیڈر چݨ ڳھنے، چیئرمین دے تقرر بارے آآرڈیننس آندا پئے، ایندے ݙوڄھے مرحلے اچ ایکٹ وی آسی، جیکر رائے ݙیوݨی اے تاں اپوزیشن ݙے سڳدی اے بھل وزیر اعظم کہیں وی صورت ایں معاملے تے اپوزیشن لیڈر نال ڳالھ نہ کریسن، ساݙا مقصد صرف نیب مقدمات کوں تیکھے توڑ پچاوݨ اے۔ انہاں آکھیا جو اے صدر دی صوابدید اے کہ او اپوزیشن نال مشورہ کریندن یا نئیں۔ اخلاقی طور تے شہبازشریف کوں اپوزیشن لیڈر دا عہدہ چھوڑ ݙیوݨا چاہیدے جو اپوزیشن نال مشاورت تھی سڳے۔ انہاں آکھیا جو نیب کوں اپݨا دائرہ کار اتنا وی نئیں کھنݙاوݨا چاہیدا جو کڄھ سمڄھ نہ آوے جو کرݨا کیا اے؟ نیب کوں وݙیاں مچھیاں تے اکھ رکھݨی ہوسی، نیب وݙی کرپشن روکݨ کیتے ٻݨایا ڳیا ہا، اساں نیب، ایف بی آر،ایف آئی اے کوں تکڑا کریندے پئے ہیں۔ وفاقی وزیر قانون فروغ نسیم آکھیا جو صدر مملکت، وزیراعظم اتے اپوزیشن دی صلاح نال نواں چیئرمین نیب لیسن، او تئیں پراݨے چیئرمین نیب کم کریندے راہسن، اتفاق نہ تھیا تآں معاملہ پارلیمانی کمیٹی دو ویسی جیندے کیتے سپیکر قومی اسمبلی اپوزیشن اتے حکومت ولوں چھی، چھی لوک چݨسن۔ آرڈیننس نال گورنراسٹیٹ بینک دا کردار ودھ ویسی، ضمانت بارے اختیارات ہائی کورٹ کوں ݙیندے پئے ہیں، احتساب عدالتاں اچ ججزمتعقلہ ہائی کورٹ دے چیف جسٹس دی صلاح نال لائے ویسن۔
نواں چیئرمین نیب، صدر اتے وزیراعظم صلاح نال لیسن، اتفاق نا تھیاں تاں معاملہ پارلیمانی کمیٹی دو ویسی، وزیر اطلاعات و نشریات دی وزیر قانون دے رلے پریس کانفرنس
مضمون کا ماخذ : جڑواں اسپن
متعلقہ مضامین
