اسلام آباد۔18جون (اے پی پی):وزیراعظم عمران خان نویں داسو ڈیم دی تعمیر کیتے کم کرݨ آلے کارکناں اتے انجینئرز کوں خراج تحسین پیش کریندے ہوئیں آکھیے جو ملکی ترقی کیتے اے منصوبہ اہمیت رکھیندے ، ایندے توں مستقبل اچ ملک کوں سستی بجلی دستیاب ہوسی۔ اے ڳال انہاں جمعے کوں داسو ڈیم دے تعمیراتی کم دا جائزہ گھنݨ دے موقع تے آکھی اے۔ وزیراعظم زیر تعمیر ڈیم دے مختلف حصیں تے ٹنل دا معائنہ کیتا۔ انہاں آکھیے جو اے ھک اوکھا کم اے جیں کوں کرݨ اچ غیر ملکی انجینئرز سودھے سارے کارکناں کوں خراج تحسین پیش کرینداں ۔ انہاں آکھیے جو ایں منصوبے توں ملک کوں سستی بجلی ملسی ، ایں طرح دے منصوبے ٻہوں پہلے شروع تھیوݨے چاہیدے ہن تاں جو ملک کیتے سستی بجلی دستیاب ہوندی ۔ جیویں منگلا اتے تربیلا توں ملک کوں سستی بجلی ملی اے اتے پاکستان دیاں صنعتاں کوں ایندے توں فیدہ چاوݨ دا موقع ملیے تے ملک ترقی دے پاسے ٹریے ۔وزیرا عظم آکھیے جو معیشت بہتر تھیندی پئی اے ۔ ملک تکھے اڳوں ودھدا پئے ۔ سستی بجلی دے حصول توں مستقبل اچ صنعتی اتے گھریلو ضرورتاں پوریاں تھیسن تے صنعتاں ترقی کریسن جیں توں ملک دی وی ترقی تھیسی ۔
داسو ڈیم منصوبہ ملکی ترقی کیتے ٻہوں اہمیت رکھیندے ، ایندے توں سستی بجلی ملسی ،وزیر اعظم عمران خان دی داسو ڈیم دے تعمیراتی کم دا جائزہ گھنݨ دے موقع تے ڳالھ مہاڑ، کارکناں اتے انجینئرز کوں خراج تحسین
مضمون کا ماخذ : پاور بال لاٹری
متعلقہ مضامین
