اسلام آباد ۔ 30 نومبر (اے پی پی) پارلیمانی اموردے وزیر شیخ آفتاب احمدآکھیا ہے جو گزریل 4سال اچ حلقہ این اے57دے100توں ود ھ وستیاں کوںگیس ڈتی گی ہے، جیندے تے ارباں روپے دی لاگت آئی ہے۔ خمیس کوں انٹرویو وچ انہاں ڈسایا جو2018ءدے چھیکڑ تئیں میڈے حلقے دیاں ساریاں وستیاں کوں گیس ڈے ڈتی ویسی۔ انہاں ڈسایا جو تحصیل حضرو دیاں8 وستیاں کوںگیس دی فراہمی سانگے پائپ لائناںوچھاونڑ دا عمل پورا کر گھدا گئے اتے انہاں دیہاتاں کوں گیس دی فراہمی وختی شروع تھی ویسی۔ انہاں آکھیا جوپاکستان مسلم لیگ (ن) عوام دی خدمت تے یقین رکھیندی ہے اتے ایں علاقے سانگے اساڈیاں کوششاں جاری ہن۔انہاں آکھیا جوسرکاری محکمے عوام کوں چنگے طریقے نال سہولتاںڈیونڑ دی ذمے وار ہے ۔
مضمون کا ماخذ : نتیجہ ڈوپلا سینا
