مظفرآباد۔5فروری (اے پی پی):اشتیاق حمید ، زاہد صفی اتے نثار مرزا تے مشتمل حریت آزاد جموں وکشمیر شاخ دے رہنماواں دے ہک وفد اڄ مظفر آباد اچ صدر پاکستان ڈاکٹر عارف علوی دے نال ملاقات کیتی ۔ کشمیر میڈیا سروس دے مطابق وفد دے ارکان ایں موقع تے کشمیرکاز دی غیر متزلزل حمایت تے حکومت پاکستان اتے عوام دا شکریہ ادا کیتے۔ انہاں آکھیے جو کشمیر دے جھیڑے دے مستقل حل کیتے پاکستان دیاں کوششاں کشمیریاں کیتے حوصلہ افزائی دا باعث ہن ۔صدر پاکستان وفد دے ارکان نال ڳالھ مہاڑ کریندے ہوئیں آکھیے جو عالمی برادری کوں کشمیریاں تے بھارتی ظلم دا نوٹس گھنݨاں چاہیدے تے انہاں کوں حق خود ارادیت ݙیواوݨ کیتے آپ دا وعدہ پورا کرݨاں چاہیدے ۔ آزاد جموں وکشمیر دے صدر سردار مسعود خان اتے وزیر اعظم پاکستان دے مشیر قومی سلامی ڈاکٹر معید یوسف وی ملاقات اچ موجود ہن ۔
مضمون کا ماخذ : اسکریچ کارڈ پاکستان
