اسلام آباد ۔ 17 اگست (اے پی پی) وزیر خارجہ مخدوم شاہ محمود قریشی آکھیے جو سفارتی چیلنجز دے ادراک کیتے تھنک ٹینکس دا کردار ناگزیراے، تھنک ٹینکس کوں عالمی و علاقائی تھنک ٹینکس دے نال رابطے ودھاونڑ دی لوڑھ اے ۔ او سنوار کوں وزارت خارجہ اچ انسٹیٹیوٹ آف سٹرٹیجک سٹڈیز اسلام آباد دے محققین دے اجلاس دی صدارت کریندے پئے ہن۔ سیکرٹری خارجہ سہیل محمود، سپیشل سیکرٹری معظم احمد خان اتے وزارت خارجہ دے سینئر افسراں وی شرکت کیتی ۔اجلاس اچ خطے اچ رابطے ودھاونڑ ، کووڈ۔19 دے بعد بدلدے عالمی منظر نامہ اتے سفارتی محاذ تے پیش آندے چیلنجز زیر بحث آئے۔ ڈائریکٹر جنرل (آئی ایس ایس آئی) ایمبیسڈر (ر) اعزاز چوہدری وژن 2020-23ءدے حوالے نال وزیر خارجہ کوں مفصل بریفنگ ڈتی ۔ وزیر خارجہ آکھیے جو کووڈ۔19 دے بعد تکھے بدلدے ہوئے عالمی منظر نامہ کوں سامنڑے رکھیندے ہوئیں سفارتی چیلنجز دے ادراک کیتے تھنک ٹینکس دا کردار ناگزیر اے۔ شاہ محمود قریشی آکھیے جو انسٹیٹوٹ آف سٹرٹیجک سٹڈیز ڈے بہترین محققین موجود ہن جیں توں فائدہ چا تے سفارتی سطح تے چیلنجز نال نبڑبڑ اچ مدد مل سگدی اے ۔
وزیر خارجہ مخدوم شاہ محمود قریشی دی زیر صدارت انسٹیٹیوٹ آف سٹرٹیجک سٹڈیز اسلام آباد دے محققین دا اجلاس
مضمون کا ماخذ : ڈریگن اسپن
متعلقہ مضامین
