اسلام آباد 30 نومبر (اے پي پي) د اطلاعات او خپرونو نګران وفاقي وزير مرتضيٰ سولنګي په رياستي ميډيا كښې په اصلاحات زور رواړلو سره وئيلي دي موجوده دور د ټېكنالوجۍ دے٬ زمونږ په رياستي براډ كاسټرز كښې د صورتحال بهتر كولو ته ضرورت دے٬ مونږ ټول ټاكنې كوٶنكي يو٬ په دې كمېټۍ كښې د سياسي ګوندونو نمائندګي شته، زه خواست كوم چې په رياستي ميډيا كښې د اصلاحات په پروګرام دې بحث وكړے شي۔ دا خبره ده د اطلاعات او خپرونو لپاره د سېنېټ قائمه كمېټۍ كښې كړې٬ د غونډې مشري سېنېټر فوزيه ارشد كوله۔ په غونډه كښې د اكتوبر په 9مه نيټه كال 2023 د كمېټۍ غونډه كښې په يو ورځني اجرت 53 بهرتي شوو ملازمانو پحقله په سفارشات د عملدرامد جاج واخستلے شو۔ وفاقي نګران وزير مرتضٰي سولنګي ووئيل نګران حكومت مستقل تعيناتي نشي كولې او نه داسې كولې شي چې يوه اداره بنده شي۔ ده ووئيل د كمېټۍ د غړو مننه كوم چې په ما ئې د باور څرګندونه كړې ٬ زه د كمېټۍ لارښوونې ته ضرورت لرم ۔ ده ووئيل دا مهال د راډيو پاكستان مجموعي بجټ 76 فيصد په تنخاګانو او پنشن ادا كولو مصرف كېږي٬ د زياتره ملازمانو كميوټېشن او جي پي فنډ ادا كول ايسار شوي۔ ده ووېيل په اداره كښې د پنشنرز شمېره د موجوده ملازمانو نه زياته ده٬ 4 زره 182 پنشنيان او 1996 ملازمان په دې اداره كښې وظيفه تر سره كوي، په دې ادارو كښې اصلاحات كولو ته اړتيا ده۔ وفاقي وزير مرتضيٰ سولنګي او د اطلاعات سېكرټرې شاهيره شاهد په دې موقع قائمه كمېټۍ ته بريفنګ وركړو۔ وفاقي سېكرټري شاهيره شاهد ووئيل د اطلاعات وزارت له مخې په براډ كارسټنګ ادارو كښې الېكشن سېل جوړ كړے شوي ٬ دې لپاره د ځينې كسانو خدمات ترلاسه كړے شوې دي۔وفاقي وزير كمېټۍ ته ووئيل د كومو كسانو خدمات چې ترلاسه كړے شوي ھغوي په براډ كاسټنګ كښې پراخه تجربه لري۔ ده ووئيل په نګران حكومت كښې د دې خبرې خاص خيال ساتلے شوے چې په يو پروګرام كښې اېنكر د يو خاص ګوند پلوي نه وي۔۔ په دې موقع د اے پي پي اېم ډي محمد عاصم کھچي كمېټۍ ته بريفنګ وركړو او كمېټۍ په بريفنګ د اطمينان څرګندونه وكړه۔ د راډيو پاكستان ډائرېكټر جنرل كمېټي د دې ادارې په سمدستي توګه د ضرورت په بنياد د بهرتي كېدونكو ملازمانو د تفصيلات نه خبر كړه۔ په غونډه كښې د كمېټۍ غړو سينيټرز مولا بخش چانډيو، عرفان صديقي، نسيمه احسان سره سره د اطلاعات سېكرټري شاهيره شاهد٬ د پي ټي وي اېم ډي٬ د راډيو ډي جي او د اے پي پي اېم ډي ګډون كولو۔
موجوده دور د ټېكنالوجۍ دے٬ د ميډيا په رياستي ادارو كښې اصلاحات ته ضرورت دے۔ د وفاقي وزير مرتضيٰ سولنګي اطلاعات او خپرونو لپاره د قائمه كمېټۍ غونډه كښې څرګندونې
مضمون کا ماخذ : سٹاربرسٹ
متعلقہ مضامین
