وفاقی وزیر اطلاعات تے نشریات سینیٹر شبلی فراز دی وفاقی کابینہ دے اجلاس دے بعد صحافیاں کوں بریفنگ

وفاقی کابینہ ’ کوہالہ ہائیڈرو پاور پراجیکٹ سودھے ترائے منصوبیاں دی منظوری ڈے ڈتی اے،وزیراعظم صوبائی فنانس کمیشن کوں فعال کرنڑ دی ہدایت کیتی اتے ایں نال پورے صوبے اچ منظم طریقہ اتے سیاسی تفریق دے بغیر کم تھیسن،جیڑھے پائلٹس دے لائسنس مشکوک ہن انہاں کوں ہٹا ڈتا گئے ،اساڈے پائلٹس جیڑھے جہاز اڈیندے پئن انہاں دی ڈگریاں سو فیصد کلیئر ہن،جعلی ڈگریاں آلے پائلٹس دے خلاف کاروائی تھیسی،اپوزیشن کوں پتہ جو اگر عمران خان انہاں دی راہ توں ہٹ ونجے تاں انہاں دی ماضی دی کرپشن دا کائنا پچھیا ویسی،ماضی اچ پی آئی اے،سٹیل ملز اچ بہوں سیاسی بھرتیاں کیتی گئن،پیپلز پارٹی اداریاں اچ میرٹ اتے شفافیت تے یقین نی رکھیندی،اپوزیشن عمران خان کوں مافیاز دے خلاف کاروائیاں تے اپنڑاں نشانہ بنڑیندی پئی اے،
اسلام آباد ۔ یکم جولائی (اے پی پی) وفاقی وزیر اطلاعات تے نشریات سینیٹر شبلی فراز آکھیا جو وفاقی کابینہ ’ کوہالہ ہائیڈرو پاور پراجیکٹ سودھے ترائے منصوبیاں دی منظوری ڈے ڈتی اے،وزیراعظم صوبائی فنانس کمیشن کوں فعال کرنڑ دی ہدایت کیتی اتے ایں نال پورے صوبے اچ منظم طریقہ اتے سیاسی تفریق دے بغیر کم تھیسن،جیڑھے پائلٹس دے لائسنس مشکوک ہن انہاں کوں ہٹا ڈتا گئے ،اساڈے پائلٹس جیڑھے جہاز اڈیندے پئن انہاں دی ڈگریاں سو فیصد کلیئر ہن،جعلی ڈگریاں آلے پائلٹس دے خلاف کاروائی تھیسی،اپوزیشن کوں پتہ جو اگر عمران خان انہاں دی راہ توں ہٹ ونجے تاں انہاں دی ماضی دی کرپشن دا کائنا پچھیا ویسی،ماضی اچ پی آئی اے،سٹیل ملز اچ بہوں سیاسی بھرتیاں کیتی گئن،پیپلز پارٹی اداریاں اچ میرٹ اتے شفافیت تے یقین نی رکھیندی،اپوزیشن عمران خان کوں مافیاز دے خلاف کاروائیاں تے اپنڑاں نشانہ بنڑیندی پئی اے۔اے گالھیں انہاں وفاقی کابینہ دے اجلاس دے بعد صحافیاں کوں بریفنگ ڈیندیں ہوئیں آکھی۔انہاں آکھیا جو اجلاس دے شروع اچ وزیراعظم عمران خان کورونا توں ٹھیک تھیونڑ تے وزیرریلوے شیخ رشید احمد کوں مبارک ڈتی۔کابینہ دے اجلاس اچ آڈیٹر جنرل دی رپورٹ تے بحث تھئی اے۔اجلاس اچ اقتصادی رابطہ کمیٹی دے 25جون دے اجلاس اچ کیتے گئے فیصلیاں دی منظوری ڈتی گئی اے۔انہاں آکھیا جو وزیراعظم صوبائی فنانس کمیشن کوں فعال کرنڑ دی ہدایت کیتی اتے ایں نال پورے صوبے اچ منظم طریقہ اتے سیاسی تفریق دے بغیر کم تھیسن۔ماضی اچ پنجاب اچ سینٹرلاہور اچ ودھ ترقیاتی کم تھین جڈانجو بچدے پنجاب کوں نظر انداز کیتا گئے ۔انہاں آکھیا جو ترقیاتی کماں اچ پیسے دے ضیان کوں روکنڑ سانگے خسرو بختیار دی سربراہی اچ کمیٹی بنڑائی گئی اے،کمیٹی 90ڈینھ اچ اپنڑی رپورٹ ڈیسی۔انہاں آکھیا جو کابینہ دے اجلاس اچ عثمان ناصر کو ں ایم ڈی سافٹ ویئر ایکسپورٹ بورڈلا ونڑ دی منظوری ڈتی گئی اے۔ کابینہ ’ سیکورٹی اینڈ ایکس چینج کمیشن دے مالی سال 2019-20ءدے آڈٹ سانگے آڈیٹر جنرل لاونڑ دی وی منظوری ڈتی اے۔انہاں آکھیا جو وزیراعظم اداریاں کوں فعال کرنڑ اتے میرٹ تے شفافیت گھن آونڑ سانگے پرعزم ہن،سارے ایئر لائنز دے سٹاف دی ڈگریاں دی تصدیق کیتی ویسی،پی آئی اے ماضی دا ہک ادارہ اے،سول ایوی ایشن اچ اصلاحات کیتی ویسن،جیڑھے پائلٹس دے لائسنس مشکوک ہن انہاں کوں ہٹا ڈتا گئے ،اساڈے پائلٹس جیڑھے جہاز اڈیندے پئن انہاں دی ڈگریاں سو فیصد کلیئر ہن،جعلی ڈگریاں آلے پائلٹس دے خلاف کاروائی تھیسی۔انہاں آکھیا جو اپوزیشن کوں چاہیدے جو او اپنڑے گناہیں دی مافی منگے اتے لُٹی گئی رقم واپس گھن آوے۔ماضی اچ بجلی دے مہانگے منصوبیاں دے معاہدے کیتے گئے،ماضی اچ بجلی وی ونڈ تے توجہ نہ ڈتی گئی ۔انہاں آکھیا جو اپوزیشن کورونا بارے بے یقینی دی صورتحال پید اکریندی پئی اے۔