اسلام آباد ۔ 2 جون (اے پی پی) قومی رابطہ کمیٹی اچ سارے صوبائی وزراءاعلی ولوں کیتے گئے فیصلیں تے عمل درآمد کیتے مروجہ پلان نیشنل کمانڈ اینڈ آپریشن سینٹر کوں بھیجا ویسی تان جو فیصلیں تے عمل درآمد کوں موثر تے یقینی بنڑایا ونج سگے ۔اے گال وفاقی وزیر اسد عمر این سی او سی دی میٹنگ دی صدارت کریندے ہوئیں آکھی اے جیں اچ این سی او سی دے کیتے گئے فیصلیں تے اگوں دے لائحہ عمل، سیاحت دے شعبے کوں کھولنڑ متعلق تجاویز، اتے ایس او پیز تے عمل درآمد دے حوالے نال غور کیتے ۔ اسد عمر ا مزید آکھیے جو صوبائی چیف سیکرٹریز توں عملدرآمد کیتے مرتب کیتا گیا لائحہ عمل این سی او سی اچ پیش کیتا ونجے ۔ انہاں خبردار کیتے جو بازار،پبلک ٹرانسپورٹ تے صنعتی شعبے بہوں خطرناک جہیں ہن جتھاں کورونا دے کھنڈنڑ دا بہوں ڈر اے جیں کیتے ایس او پیز تے خصوصی توجہ ڈتی ویسی ۔ وزیراعظم دے معاون خصوصی صحت ڈاکٹر ظفر مرزافورم کوں ڈسائے جو وزارتِ صحت طبی ماہرین دی کمیٹی اتے صوبائی مشاورت دے نال تقریباً 26 ایس او پیز گائیڈ لائنز اتے پروٹوکولز ترتیب ڈتن جیں دا مقصد سارے شعبہ ہائے زندگی اچ کرونا وائرس دے تدارک اتے عدم پھیلاو کوں یقینی بنڑاونڑاں ہئی ۔
وفاقی وزیر اسد عمر دی زیرصدارت نیشنل کمانڈ اینڈ آپریشن سینٹر دا اجلاس
مضمون کا ماخذ : quina resultados anteriores
متعلقہ مضامین
