اسلام آباد۔19اکتوبر (اے پی پی)صدر مملکت ڈاکٹر عارف علوی آکھیا جو دنیا پاکستان دی کورونا وائرس دی وبا نال نبڑنڑ دی حکمت عملی دی تعریف کریندی پئی اے۔سنوار کوں اپنڑے ٹویٹ اچ انہاں آکھیا جو میڈے پیارے پاکستانیو تساں غریباں دی ڈیکھ بھال کیتی اے،اللہ توں دعائیں منگین اتے ہنڑ دنیا تساڈی تعریف کریندی پئی اے اتے پاکستان دی قوم دی تعریف کریندی پئی اے۔صدرمملکت امریکہ دے سابق وزیر خزانہ اتے ماہر معیشت لیری سمرز ولوں کورونا وائرس دی وبا نال نبڑنڑ بارے پاکستان دی تعریف د ا حوالہ ڈتا جئیں اچ انہاں آکھیا ہئی جو امریکہ اینویں کر تے کھرباں ڈالر بچا سگدا ہئی ۔انہاں اپنڑے بیان اچ وزیراعظم عمران خان ولوں سمارٹ لاک ڈاﺅن پالیسی دا حوالہ ڈتا جئیں اچ کورونا وائرس دی وبا کوں کھنڈنڑ توں روکنڑ اچ مدد ملی۔
مضمون کا ماخذ : سپر اسپنر
