اسلام آباد ۔ 29 جولائی (اے پی پی) ملک اچ کرونا دی صورتحال قابو اچ آونڑ لگی گئی اے، نویں کیسزاچ واضح کمی آندی پئی اے جڈاں جوکروناتوں صحتیاب تھیونڑ آلیاں دی شرح وی ودھ گئی اے جیڑھی حوصلہ افزا اے۔ نیشنل کمانڈ اینڈ آپریشن سنٹرڈسائے جو پاکستان اچ کرونا دی صورتحال چنتے آلی نئیں رہی،ملک دے 734 ہسپتالاں اچ ایں ویلھے صرف ہک ہزار 879 مریض داخل ہین،ہنڑ تئیں 2 لکھ 44 ہزار 883 مریض صحت یاب تھین،کرونا کیتے رکھیے گئے ہک ہزار 859 وینٹیلیٹرزاچوں 227 وینٹیلیٹرز تے کورونا مریض ہین،ہنڑ تئیں کرونا دے کل ٹیسٹس 19 لکھ 9 ہزار 846تھین جڈاں جو پاکستان اج وبا نال نبڑن کیتے شواہد تے مبنی ٹیکنالوجی دے طریقہ کارتے عمل کریندا پئے جیڑھا موثر ثابت تھئے،پچھلے چوی گھنٹے اچ صرف 20 اموات تھین جیڑھا ثبوت اے جو کورونا وباءاچ 87 فیصد کمی آئی اے، ایندی وجہ حکومت دی موثر حکمت عملی خاص کر سمارٹ لاک ڈاون دی پالیسی اے ،حکومت سمجھداری ڈکھیندے این سی او سی دے قابل بھروسہ اعداد و شمار اتے معلومات دی بنیاد تے فیصلے کیتن، ڈیٹا کلیکشن، اتحاد اتے معلومات نال کامیابی ملی اے،ٹیسٹنگ، کنٹیکٹ ٹریسنگ ، آئسولیشن،مریضاں کوں سہولتاں سانگے اقدامات اچ مدد ملی اے،ایں سانگے این سی او سی اچ ڈینھ رات کم کیتا گئے جیڑھا قابل تعریف اے۔ملک اچ صحت عامہ نظام دی بہتری ،ہیلتھ کیئر پروفیشنلز دی استعداد کارودھاونڑ، مریضاں کیتے بیڈز دی دستیابی،ضروری ادویات و آلات، وینٹی لیٹرز دی فراہمی اتے درست اعداد و شمارکیتے ڈیجیٹل ٹیکنالوجی دے استعمال، وفاق دیاں اکائیاں اچ روابط دے مثبت اثرات نکلین،اج پاکستان دی سمارٹ لاک ڈاون پالیسی کوں پورا جگ منیندا پئے جیڑھا وزیراعظم عمران خان دے ویژن دی کامیابی اے۔
ملک اچ کرونا دی صورتحال قابو اچ آونڑ لگی گئی، نویں کیسزاچ واضح کمی آونڑ لگ گئی، صحتیاب تھیونڑ آلیاں دی شرح وی ودھ گئی، نیشنل کمانڈ اینڈ آپریشن سنٹر
مضمون کا ماخذ : لکی لیڈیز چارم
متعلقہ مضامین
