اسلام آباد۔28نومبر(اے پی پی) سياسي رابطو لپاره د وزيراعظم خصوصي مرستيال ډاكټر شهباز ګل وئيلي چې اپوزيشن د مافيا په وېنا ډېر څه كولو ته تيار دي۔ حكومت ددوئي په ضد قانوني سختي نه كوي بلكه غواړي چې دوئي خپله اولس ته په ډاګه شي۔ اپوزیشن ګوندونه اېن آر او لپاره هېواد كښې اړې ګړې رامخې ته كول غواړي۔ وزیراعظم عمران خان دا وړاندې په ډاګه كړې ده چې هغه به په هېڅ صورت بدعنوانه عناصرو ته اېن آر او نه وركوي۔ د خالي په ورځ نجي ټي وي چېنل سره خبرو كښې شهباز ګل ووئيل ما وړاندې وئيلي چې اپوزيشن د مافيا برخه ده۔ دوئي ته چې كله هم موقعه ترلاسه شوې دوئي لوټ مار كړے۔ هغه ووئيل اپوزيش به ښكاره ځايونو كښې جلسو كولو نه څوك نه منع كوي۔ هغه ووئيل د پخواني وزيراعظم یوسف رضا ګیلانی زوے نن د جمهوريت چېمپئن جوړ شوے خپل دور كښې د هغه لوټ مار ټولو ته معلوم دے۔ دا خلق د خپل ګاډ فادر په وېنا هېواد كښې د اړي ګړي رامخې ته كولو هڅې كوي دغسې چې دوي يو وارې بيا د هېواد د لوټ كولو موقعه ومومي۔ هغه ووئيل چا چې د هېواد پېسه لوټ كړے ده د هغه په ضد به د احتساب عمل روان وي۔ د يوې پوښتنې په ځواب كښې هغه ووئيل ملتان كښې چې د اپوزيشن لخوا كوم ورانې شوې دې ٬ د اړي ګړي رامخې ته كوؤنكو په ضد به قانوني كارروائي كولې شي
حكومت د اپوزيشن په ضد قانوني سختي نه كوي۔ غواړي چې دوئي پخپله اولس ته په ډاګه شي۔ خصوصي مرستيال ډاكټر شهباز ګل
مضمون کا ماخذ : جنگل کے راز
متعلقہ مضامین
