نیویارک۔26ستمبر (اے پی پی) وزیرا??ظم محمد شہباز شریف اتے برطانوی وزیرا??ظم سر کیئر اسٹارمر پاک برطانیہ تعلقات کوں ودھاوݨ اتے مختلف شعبے خصوصی طور تجارت اتے سرمایہ کاری دے ودھارے تے اتفاق کیتا جڈانجو وزیرا??ظم محمد شہباز شریف ملکی معیشت دی ترقی کیتے حکومت دے اقدامات خصوصی طور ایف بی آر دی اصلاحات اتے ٹیکس بیس ودھاوݨ، موسمیاتی تبدیلی دے مضر اثرات توں پاکستان دے مسئلے، پاکستان دی دہشت گردی دے خلاف جنگ اچ قربانیاں اتے ملک اچ سرمایہ کاری دے موقعیاں کوں اجاگر کیتا۔ خمیس کوں وزیرا??ظم آفس دے پریس ونگ توں جاری بیان موجب وزیر ا??ظم محمد شہباز شریف اقوام متحدہ جنرل اسمبلی اجلاس دے موقع تے برطانیہ دے وزیرا??ظم رائٹ آنرایبل سر کیئر اسٹارمر نال ملاقات کیتی۔ ملاقات اچ پاکستان اتے برطانیہ وچال ݙوپاسہ تعلقات اتے آپسی دلچسپی د?? معاملیاں تے ڳالھ مہاڑ تھئی۔ ݙوہیں رہنماواں وچال پاک برطانیہ تعلقات کوں ودھاوݨ اتے مختلف شعبیاں اچ سرمایہ کاری ودھاوݨ تے اتفاق تھیا۔ ملاقات اچ پاکستان دی معاشی صورتحال تے وی ڳالھ مہاڑ تھئی اتے وزیرا??ظم محمد شہباز شریف معاشی اس??حک??م دے بعد ملکی معیشت دی ترقی کیتے حکومت دے اقدامات خصوصی طور ایف بی آر دی اصلاحات اتے ٹیکس بیس ودھاوݨ تے روشنی پاتی۔ وزیرا??ظم محمد شہباز شریف ملاقات اچ موسمیاتی تبدیلی دے مضر اثرات نال پاکستان دے مسئلیاں دا ??ی ݙسایا۔ وزیرا??ظم پاکستان دی دہشت گردی دے خلاف جنگ اچ قربانیاں دا ذکر کریدنیں ہوئیں آکھیا جو دہشت گردی ہک عالمی مسئلہ اے جئیں کوں مکاوݨ کیتے عالمی برادری کوں رَل تے کم کرݨا پوسی۔ وزیرا??ظم شہباز شریف پاکستان اچ سرمایہ کاری بارے برطانیہ دے تریجھے وݙے ملک دا ذکر کریندیں ہوئیں پاکستان اچ سرمایہ کاری دے موقع اتے منصوبیاں تے روشنی پاتی۔ برطانیہ اچ رہݨ آلے پاکستانیاں دے ݙوہیں ملکاں دی ترقیی اچ اہم کردار دا ذکر کریندیں ہوئیں وزیرا??ظم ݙوہیں ملکاں دی عوام وچال رابطے ودھاوݨ اتے تبادلیاں نال آپسی طور ترقی دا اہداف ڳھنݨ دا عزم کیتا۔
وزیراعظم محمد شہباز شریف اتے برطانوی وزیراعظم دا پاک برطانیہ تعلقات کوں ودھاوݨ اتے مختلف شعبے خصوصی طور تجارت اتے سرمایہ کاری دے ودھارے تے اتفاق
مضمون کا ماخذ : میگا ملینز کے نمبر
متعلقہ مضامین
