لاہور۔17دسمبر(اے پی پی)وزیراعلی پنجاب سردار عثمان بزدار دی زیر صدارت صوبائی کابینہ دا 39واں اجلاس تھئے جیندے اچ صوبے اچ ہکو سواں نصاب تعلیم لاڳو کرݨ سودھا رول 17-A دے تحت مستقل بنیاداں تے ملازمتاں ݙیوݨ دی منظوری ݙتی ڳئی ڄفاں جو وݙے ہسپتالاں اچ چارجز ڳھنݨ دی تجویز ول مسترد کرڈتی ڳئی اے۔ کابینہ متحدہ عرب امارات نال خیر سگالی دا اظہار کریندے متحدہ عرب امارات دے صدر شیخ زید بن النیہان کوں چولستان اتے رحیم یار خان اچ لیز تے ݙتی ڳئی زمین تے ٻئی توسیع دی منظوری ݙتی اتے راوی اربن ڈویلپمنٹ اتھارٹی دی زمین گھنݨ کیتے 5 ارب روپے قرض دی وی منظوری ݙتی۔ کابینہ پٹرول پمپ لاوݨ کیتے این او سیز دا اجرا سوکھا کرݨ کیتے اجرا دی مدت صرف تریھ ݙینھ کر ݙتی اے۔ کابینہ اکھیں توں متھاج لوکاں کیتے ملازمتاں اچ عمر دی حد اچ خصوصی رعایت وی منظور کیتی۔ پنجاب کابینہ بہاولپور اچ 410 بستراں دے سول ہسپتال بݨاوݨ کیتے ادائیگیاں دا معاملہ کابینہ سٹینڈنگ کمیٹی برائے فنانس اینڈ ڈویلپمنٹ کوں بھیڄ ݙتے۔
پنجاب کابینہ دا اجلاس، صوبے اچ ہکو سواں نصاب تعلیم لاڳو کرݨ، رول 17-A دے تحت مستقل بنیاداں تے ملازمتاں ݙیوݨ دی منظوری،وݙے ہسپتالاں اچ چارجز ڳھنݨ دی تجویز ول مسترد کرڈتی
مضمون کا ماخذ : تھور میگا ویز کی طاقت
متعلقہ مضامین
