اسلام آباد ۔ 22 جنوری (اے پی پی) محکمہ موسمیات دے مطابق آندے 24 گھنٹے ملک دیاں بہوں ساریاں جہیں تے موسم ٹھڈا تے رکھا رہسی تاں جو گلگت بلتستان،کشمیر اتے ایندے نیڑے علاقیں اچ کجھ جہیں تے ہلکا مینھ وسنڑ تے پہاڑاں تے برف پوونڑ دی توقع اے ۔ پنجاب دے کجھ میدانی علاقیں اچ سویلے کوہیر پوونڑ دا امکان اے۔ رپورٹ دے مطابق گزریل 24 گھنٹے دے دوران اتلے خیبر پختونخوا، مری، اٹک، اسلام آباد، کشمیر، گلگت بلتستان دے ضلعیں اچ کجھ جہیں تے مینھ وسیا ۔ایں دوران ما لم جبہ، مری، پارا چنار، کالام اتے استور اچ برفباری وی ریکا رڈ کیتی گی تاں جو ملک دے بئے علاقیں اچ موسم ٹھڈا تے تے رکھا رہیا ۔ گزریل 24 گھنٹے پٹن اچ17 ،لی میٹر، بالاکوٹ 11، پاراچنار 10، دیر 7، کاکول 6، کالام 4، سیدوشریف، دروش 2، مظفرآباد 11، گڑھی دوپٹہ 6، راولا کو ٹ 5، کوٹلی ایک، مری 10، اٹک 2، اسلام آباد، اسکردو اتے باگروٹ اچ ہک ملی میٹر مینھ وسیا جڈاں جو مالم جبہ اچ 5 انچ، مری 4، پاراچنار 3، کالام اتے استور اچ ہک انچ برف پئی ۔
آندے 24گھنٹے ملک اچ موسم رکھا تے ٹھڈا رہسی ، محکمہ موسمیات
مضمون کا ماخذ : لوٹومینیا
متعلقہ مضامین
