اسلام آباد ۔ 5جولائی (اے پی پی) سپیکر قومی اسمبلی سردار ایاز صادق بدھ کوں برطانیہ اتے بیلاروس دے سرکاری دورے تے روانہ تھی گے ہن ۔ قومی اسمبلی سیکرٹریٹ دے مطابق سپیکر قومی اسمبلی پہلے برطانیہ اچ قیام دے دوران سی پی اے دے سیکرٹری جنرل نال ملاقات کریسن جیں اچ اجوکے سال نومبر اچ دولت مشترکہ کانفرنس دے پاکستان اچ انعقاد دے حوالے نال گالھ مہاڑ تھیسی ۔ایندے علاوہ سپیکر قومی اسمبلی برطانیہ اچ مختصر قیام دے دوران اہم رہنماواں نال وی ملاقات کریسن۔ برطانیہ توںسپیکر بیلاروس دے سرکاری دورے تے روانہ تھی ویسن۔ بیلاروس دے سپیکر کجھ مہینے پہلے پاکستان دے دورے دے دوران سپیکر قومی اسمبلی کوں بیلا روس دے دورے دی دعوت ڈتی ہئی ۔
مضمون کا ماخذ : نتیجہ میگا سینا
