استنبول۔15دسمبر (اے پی پی) وفاقی وزیر اطلاعات، نشریات، قومی ورثہ تے ثقافت عطااللہ تارڑ شام اچ پ??تے پاکستانیاں دے بیروت دے رستے فوری ڳھن آوݨ بارے سہولت ݙیوݨ تے لبنان دی قیادت دا شکریہ ادا کریندیں ہوئیں آکھیا جو وزیراعظم شہباز شریف دی کال تے لبنان دے وزیراعظم فوری ایکشن ڳھندیں ہوئیں شام اچ پ??تے پاکستانیاں کوں فوری سہولت ݙتی جئیں اچ اساݙے تعلقات دی مضبوطی نشابر تھیندی اے۔ پاکستان لبنان ن??ل تعلقات کوں ٻیا مضبوط ٻݨاوݨ چاہندے۔ استنبول اچ لبنان دے وزیر اطلاعات زیاد میکیری نال ملاقات کریندیں ہوئیں وفاقی وزیر اطلاعات لبنان دی علاقائی سالمیت اتے امن و امان بارے حمایت دا عزم کیتا۔ وفاقی وزیر آکھیا جو پوری پاکستانی قوم ایں اوکھے ویلھے لبنان دی عوام دے نال کھڑی اے۔ ایں موقع تے لبنان دے وزیر اطلاعات آکھیا جو پاکستان ہر اوکھ اچ پاکستان دا ساتھ ݙتے۔ انہاں آکھیا جو جنگ توں متاثرہ لبنان دی عوام کیتے امدادی سامان ٻھجواوݨ تے وزیر اعظم شہباز شریف اتے پاکستان دی حکومت دا شکریہ ادا کریندوں۔ انہاں آکھیاجو بیروت دے ایئرپورٹ تے پاکستانیاں دی وݙی تعداد ݙیکھ تے خوشی تھئی اے جو او وطن واپسی ویندے پئن۔
وفاقی وزیر اطلاعات عطااللہ تارڑ اتے لبنان دے وزیر اطلاعات زیاد میکیری وچال ملاقات، لبنان دی علاقائی سالمیت اتے امن بارے حمایت دا عزم
مضمون کا ماخذ : لاٹری کا انعام کیسے حاصل کریں
متعلقہ مضامین
