اسلام آباد۔20اکتوبر(اے پی پی) د وزیراعظم د سماجي تحفظ او تخفيف غرب خصوصي مرستيالې سېنېټر ډاكټر ثانيه نشتر وئيلي دي د بې وزلۍ ختمول او په خاص توګه سماجي تحفظ ته حكومت خصوصي پاملرنه كوي٬ د پاكستان په كركيله اډانه معيشت په زړه پورې كول د بې وزلۍ كمولو له زيات مهم دي۔ د دې خيالاتو څرګندونه هغې د “نړيواله تلپاتې پرمختيائي مرسته: په بې وزلۍ كښې كمې او كليوال پرمختګ” په سرخط چين كښې شوي 2021 ء ګلوبل رورل ډوېلپمنټ فورم ته خطاب كښې وكړه۔ د فورم كوربتوب د كركيلې او كلي والو چارو وزارت او نېشنل رورل ریوائیټلائزېشن اېډمنسټرېشن په ګډه وكړو۔ فورم كښې د چين په سترو كاميابو او د بې وزلۍ ختمولو په تجربو رڼا واچولې شوه۔ فورم په كلي وال پرمختګ كښې نړيوالو تبادلو او مرستې ته وده وركړه او تلپاتي پرمختګ لپاره ئې د ملګرو ملتونو د 2030 ايجنډې په فعاله كولو زور راوړو۔ په دې موقعه خپل خطاب كښې خصوصي مرستيالې ډاكټر ثانيه نشتر د چين حكومت ٬ اولس او د كميونسټ پارټي آف چائنا ته د وخت نه وړاندې د بې وزلۍ ختمولو اېم ډي جي په ترلاسه كولو مباركي وركړه۔ هغې ووئيل د بې وزلۍ خاتمه او په خاص توګه سماجي تحفظ زمونږ د حكومت تر ټولو لومړۍ ترجيح ده۔ هغې ووئيل زمونږ حكومت ته احساس دے چې د پاكستان په كركيله د اډانه معيشت پياوړې كول د بې وزلۍ كمولو له مهم دي ولې چې دا څانګه 45 فيصده لېبر فورس ته ملازمت وركوي۔ هغې ووئيل د پاكستان د بې وزلۍ ختمولو پروګرام احساس، كركيلې او كلي وال معيشت سره زيات تعلق لري۔ هغې ووئيل د احساس پسمانده طبقاتو لپاره د سماجي تحفظ 19 پروګرامونه دي۔ فورم كښې د پرمختګ كوؤنكو هېوادونو لارښود او د اعلی كچې عهدېدارانو ته بلنه وركړې شوه۔ په ګډون كؤنكو كښې د چين ٬ آسيا ٬ افريقا او لاطيني امريكې نور پرمختګ كوؤنكو هېوادونو وزارتي حكومتي عهدېداران موجود وو۔
د بې وزلۍ ختمول او په خاص توګه سماجي تحفظ ته حكومت خصوصي پاملرنه كوي٬ د پاكستان په كركيله اډانه معيشت په زړه پورې كول د بې وزلۍ كمولو له زيات مهم دي٬ د سېنېټر ډاكټر ثانيه نشتر په چين كښې 2021 ء ګلوبل رورل ډوېلپمنټ فورم ته خطاب
مضمون کا ماخذ : پاور بال کا ٹکٹ
متعلقہ مضامین
