اسلام آباد ۔ 24 ستمبر (اے پی پی) وزیر خارجہ مخدوم شاہ محمود قریشی آکھیے جو پاکستان19ویں سارک سربراہ کانفرنس دی میزبانی کوں تیار اے،متنازعہ خطیاں دا سٹیٹس وٹاونڑدے غیر قانونی اقدامات دی مخالفت کرنڑی ہوسی، اے گالھ وزیر خارجہ مخدوم شاہ محمود قریشی اقوام متحدہ دی جنرل اسمبلی اجلاس ویلھے سارک وزارتی کونسل دے غیر رسمی ورچوئل اجلاس نال خطاب اچ آکھی ۔انہاں آکھیا جو مشترکہ مسائل نال نبڑن کیتے علاقائی سطح تے مشترکہ کوششاں لوڑھ اے،عالمی و علاقائی اتے بیاںا قوام نال ودھ تعاون دیاں کوششاں کرنڑیاں چاہیدن،سارک دے مبصر ممالک دا درجہ ڈائیلاگ پارٹنر دے طورتے ودھایا ونجے،پاکستان سارک نال اپنڑا گانڈھا جاری رکھیسی۔ انہاں کرونا نال نبڑن،سمارت لاک ڈاون دی کامیاب حکمت عملی،سماجی طبقات کیتے وزیراعظم دا اٹھ ارب ڈالردا ریلیف پیکج ،ڈاہ لکھ نینگراں دی رضا کار فورس،سونامی ٹری منصوبہ،سودھا بئےا قدامات وی ڈسائے۔انہاںز ور ڈتے جو پاکستان کوں کورونا دی عالمی وبا، تحفظ خوراک، ٹڈی دل دا حملہ اتے ماحولیاتی تغیرنال نبڑن کیتے علاقائی سطح تے مشترکہ طرز عمل اتے سوچ دی ضرورت اے جیندے کیتے سارک کردارادا کرے۔
پاکستان19ویں سارک سربراہ کانفرنس دی میزبانی کوں تیار اے،متنازعہ خطیاں دا سٹیٹس وٹاونڑدے غیر قانونی اقدامات دی مخالفت کرنڑی ہوسی، وزیر خارجہ مخدوم شاہ محمود قریشی دا اقوام متحدہ دی جنرل اسمبلی اجلاس ویلھے سارک وزارتی کونسل دے غیر رسمی ورچوئل اجلاس نال خطاب
مضمون کا ماخذ : کوئی شہزادی۔
متعلقہ مضامین
