اسلام آباد۔08مئی(اے پی پی)پاکستان لائن ا ٓف کنٹرول تے سرحدی حدود دی خلاف ورزی اتے ایندے اچ معصوم شہریاں دے زخمی تھیونڑ تے سینئر بھارتی سفارتکار کوں دفتر خارجہ سڈ تے احتجاج ریکارڈ کرائے۔ ترجمان دفتر خارجہ موجب بھارتی فوج ست مئی کوں نیزہ پیر سیکٹر،رکھ چکری سیکٹرتے بلااشتعال فائرنگ کیتی جیندے نال چوڈاں سالہ فائزہ،ڈاہ سالہ سیرت،ست سالہ عائزہ،انہاں دی ماءسونا بی بی ،44سالہ عبدالمجید اتے باوی سالہ یاسر زخمی تھئے ہن۔ترجمان موجب ایں سال بھارت ہنڑ تئیں 989واری لائن آ ف کنٹرول تے سیز فائر معاہدیاں دی خلاف ورزی کرچکیے۔ترجمان آکھیے جو بھارت لائن ا ٓف کنٹرول تے فساد کھنڈا تے جگ دی توجہ اپنڑے اندرونی خراب حالات اتے مقبوضہ کشمیر دی صورتحال توں نئیں ہٹا سگدا، عالمی بھارت دے جارحانہ رویے دا نوٹس گھنے۔
مضمون کا ماخذ : فائر جوکر
