اسلام آباد ۔ 19 ستمبر (اے پی پی) وزیراعظم دے مشیر خارجہ امور سرتاج عزیز اتوار کوں مقبوضہ کشمیر وچ بھارتی فوجی کیمپ تے حملے دے حوالے نال پاکستان تے لاتے گئے بھارتی الزام کوں بے بنیاد اتے غیر ذمہ دارانہ قرارڈیندے ہوئی مسترد کرڈتا ہے اتے آک??یا ہے جو ایہ الزام مقبوضہ کشمیر دی وگڑدی صورتحال توں توجو ہٹاونڑ دی بھارتی کوشش ہے۔ وینزویلا توں نیوریارک پجنڑ دے فوراً بعد اپنڑے ہک بیان وچ مشیر خارجہ آک??یا جو ??اکستان بھارت دی سول اتے فوجی قیادت دے ایجھے کوڑے اتے سخت بیاناں تے شدید تحفظات رکھیندا ہے جیرھے گزریل ڈینھ مقبوضہ کشمیر دے اوڑی سیکٹر وچ بھارتی فوج تے حملے دے بعد جاری کیتے گئے ۔انہاں آک??یا جو ??اکستان بھارتی وزیراعظم نریندر مودی دی حکومت دے اعلیٰ حکام ولوں لاتے گئے بے بنیاد اتے غیر ذمہ دار الزاماں کوں واضح طور مسترد کریندا ہے ۔مشیر خارجہ آک??یا جوایہ مقبوضہ کشمیر وچ برہان وانی دی شہادت دے بعد انسانی حقوقی دیاں سنگین خلاف ورزیاں توں عالمی برادری دی توجہ ہٹاونڑ دی بھارتی کوشش ہے۔انہاں آک??یا جو ایں گالھ کوں سمجھنڑ دی ضرورت ہے جو ??قبوضہ کشمیر دی صورتحال پاکستان ولوں نی پیدا کیتی گئی بلکہ ایہ مقبوضہ کشمیر تے بھارت دے غیر قنونی قبضے اتے جبر و استبداد دی لمبی تریخ دا نتیجہ ہے جیندے دوران ہزاراں بندے جاں بحق تھئے ۔بھارت دے غاصبانہ قبضے دے خلاف احتجاج دی حالیہ لہر اتے 73 ڈینھاں توں ودھ عرصے توں جاری کرفیو دے دوران ہک سو توں ودھ بے گناہ کشمیری جاں بحق اتے ہزاراں زخمی تھئے۔پیلٹ گن دی اندھا دھند فائرنگ دے نتیجے وچ کمشیر?? جواناں دی وڈی تعداد اپنڑی دید ونجا بیٹھی ہے اتے معصوم نہتے کشمیری عوام ‘ بزرگ ‘ تریمتاں اتے بالاں وچوں کوئی وی بھارتی فوج دے بے رحمانہ ظلم نال محفوظ کائنی ۔ایں صورتحال وچ عالمی برادری دا ضمیر جاگنڑ اںچاہیدے۔سرتاج عزیز آک??یا جو ا یہ گالھ قابل مذمت ہے جو بھارت دے ہک وزیر بغیر کہیں تحقیقات دے بھارتی فوجی کیمپ تے حملے دا الزام پاکستان تے لاڈتے۔ انہاں آک??یا جوا یہ بیان عالمی برادری کو ںگمراہ کرنڑ دی بھارتی کوششاں دا حصہ ہے تاں جو ??قبوضہ کشمیر وچ بھارتی ظلماں تے پردہ پاتاونج جاسگے۔
بھارتی فوجیاں دے کیمپ تے حملے داالزام مقبوضہ کشمیر دی و گڑدی ہوئی صورتحال توں توجہ ہٹاونڑ دی بھارتی کوشش ہے،سرتاج عزیز
مضمون کا ماخذ : اسکریچ کارڈ نمبر
متعلقہ مضامین
