اسلام آباد ۔ 28 مارچ (اے پی پی) قومی اقتصادی کونسل دی انتظامی کمیٹی (ایکنک) مواصلات اتے بجلی دے شعبیں دے منصوبیں دی منظوری ڈے ڈتی۔ ایکنک دااجلاس خمیس کوں وفاقی وزیر خزانہ اسد عمر دی صدارت اچ تھیا۔ اجلاس اچ منصوبہ بندی ڈویژن ولوں سی پیک دے مغربی روٹ کچلاک تا ژوب سیکشن این 50 (305 کلومیٹر) کو ں ڈورویہ کرنڑ دے منصوبہ بارے پریزنٹیشن ڈتی گئی۔ کمیٹی کو ںمغربی کوریڈور دی اہمیت بارے وی بریفنگ ڈتی گئی، ایکنک مغربی روٹ دے نال سروس ایریاز دی بلٹ اپ پراپرٹی دی بنیاد تے اینکوں بنراونڑ دی منظوری ڈتی۔ کمیٹی گوادر اتے مکران دے غیر منسلک علاقیاں کوں ملک دے قومی گرڈ سسٹم نال جوڑن توں متعلق پاور ڈویژن دی تجویز دی منظوری ڈتی اتے منصوبہ بندی تے پاور ڈویژنز کوں ہدایت کیتی جو ایںمنصوبہ دے کل مالیاتی ڈھانچہ دا جائزہ گھدا ونجے۔
مضمون کا ماخذ : گنہادورس دا میگا سینا
